A Plataforma da edificación Passivhaus organizou en outubro do 2011 o 1º Concurso Iberoamericano Passivhaus co obxectivo de analizar a situación actual dos edificios de consumo case nulo en España e Iberoamérica e sacar conclusións con respecto á posibilidade de chegar ao estándar marcado pola Directiva Europea (2010/31/UE) no 2020. Os proxectos seleccionados no concurso foron elaborados baixo parámetros de eficiencia enerxética cun consumo case nulo e a maioría deles baixo o estándar Passivhaus, ademais de presentar outros criterios de sustentabilidade.
 
Os proxectos seleccionados pasaron a formar parte dunha exposición itinerante que a Plataforma da edificación Passivhaus achega agora ao Ágora complementándose cunha exposición paralela sobre os principios básicos de Passivhaus e bioconstrución.