A concelleira de Benestar Social, Yoya Neira, participou esta tarde na entrega dos premios que a FAXPG (Federación de Asociacións de Persoas Xordas de Galicia) outorgou polo seu 40 aniversario en homenaxe a aquelas entidades e particulares que traballan para que o colectivo mellore o seu día a día. Deste xeito, distinguiron ao Centro de Educación Especial Nuestra Señora del Rosario, na categoría educativa; á empresa Adolfo Domínguez, no apartado laboral; á Consellería de Política Social, pola seu labor social; e a Mercedes Santos, socia fundadora de Aspesor.

A edila destacou os catro decenios de vida dunha federación coa que quere manter un contacto permanente co fin de reforzar as súas iniciativas para que as persoas xordas, xordocegas ou con discapacidades auditivas teñan as mesmas oportunidades de emprego, para que no estean illadas en certos eventos e non choquen continuamente con barreiras.