A Estratexia Metropolitana da Coruña xorde como un instrumento para actuar sobre novos obxectivos, resolver os problemas existentes e ofrecer propostas alternativas para conseguir unha área urbana mellor, tomando como base o traballo desenvolvido xa polos distintos concellos que a conforman.

Actualmente a área urbana que se enmarca na Área Metropolitana da Coruña (AMAC), do mesmo xeito que noutras áreas urbanas europeas, ten que facer fronte a diferentes retos que abarcan desde os cambios demográficos ata as consecuencias do estancamento económico en termos de creación de emprego, pasando polo impacto do cambio climático.

Esta aposta pola AMAC faise coa garantía de que a participación permitirá definir liñas de actuación prioritarias para abordar os retos económicos, ambientais, climáticos, sociais e demográficos aos que ten que facer fronte unha área metropolitana que pretende iniciar a súa andaina como tal.

BALANCE DO PROCESO PARTICIPATIVO METROPOLITANO

O acto final do balance do Proceso Participativo Metropolitano, que contará coa presenza de Alcaldes e Alcaldesa dos concellos da área terá lugar o vindeiro 20 de marzo, ás 19.00 h, no salón de plenos do Concello da Coruña.

As confirmacións de asistencia realizaránse a través do enderezo electrónico protocolo@coruna.es  ou no teléfono 981 184 226

Ofrecerase un servizo de conciliación para a atención de menores e de interpretación de lingua de signos