Dende a máis tenra idade, os nenos e nenas están inmersos no mundo das imaxes, aínda que a maioría das veces dunha forma pasiva. No noso xardín mestúranse o teatro, o vídeo, as sombras e os debuxos, para propoñerlles aos espectadores/as unha experiencia visual lúdica e activa.

Unha muller sentada no seu xardín, soña. Un home chega e convídaa a unha viaxe polo mundo das imaxes. Xuntos descobren unha tea entre as árbores que se converte nunha páxina en branco para crear e transformar as imaxes nun lugar para xogar e plasmar as emocións.

Compañías: coprodución de Teatro Paraíso (Vitoria) e Teatro de la Guimbarde (Bélxica).

Interpretes: Rosa A. García, Cyril Briant ou Javier Fernández Landaluce.

VENDA DE ENTRADAS: a partir de setembro

• Despacho da Pza. de Ourense: de luns a venres, de 9.30 a 13.00 e de 16.30 a 19.30 h (pago en efectivo)
• Despacho do Ágora: o mesmo día dende 1 h antes (pago en efectivo)
• Despacho do Centro Sociocultural A Fundación: de luns a sábado e días festivos de 9.00 a 21.00 h (pago en efectivo ou con tarxeta)
• Televenda: 902 504 500 - www.servinova.com