Concello da Coruña

O centro Ágora ofrece diversos talleres e actividades moi variadas co fin de satisfacer a demanda de diversos colectivos e grupos de públicos e usuarios. Dado que se trata dun centro interxeracional e aberto a toda a sociedade organizamos unha gran diversidade de todo tipo de actividades dentro do amplo horario de apertura do centro entre as 08.00 e as 21.00 h. Esa variedade, ademais, é facilitada pola ampla gama de espazos diferentes cos que conta o Centro Ágora, dende talleres para o traballo con grupos pequenos, salas específicas como a sala de informática, espazos de encontro e estudo de tipo medio e unha sala polivalente duns 100 m2 que acollerá, ben seminarios, conferencias, programas de vídeo ou performances, actuacións e pezas de teatro, música ou danza en formatos experimentais e/ou que requiran condicións especiais de relación cos espectadores.

O obxectivo xenérico é organizar un abano de actividades interesantes para todo tipo de públicos nas que toda persoa encontrará unha charla, un taller, unha conferencia, un encontro con creadores ou un seminario formativo acorde coas necesidades e expectativas de sensibilidades, gustos e intereses moi variados. Poñemos a disposición de toda a cidadanía diferentes tipos de situacións formativas, innovadoras e creativas, cunha gran variedade de materiais e cun equipo de monitores especializados que vos orientarán no desenvolvemento das materias de cada taller.

TASAS.zip (92 KB)