Co obxectivo de recadar fondos para o desenvolvemento de actividades que redunden nunha mellora da calidade de vida das persoas afectadas pola Síndrome de Asperger na nosa comunidade, Asperga deseñou unha serie de accións que permitan incrementar os recursos da asociación, ademais de dar máis visibilidade a esta síndrome, así xurdiu a idea de redondear a acción cunha GALA SOLIDARIA na que se presentase o calendario solidario do 2014, onde numerosos profesionais do espectáculo, o cinema e a televisión colaboraron de forma desinteresada prestando a súa imaxe para recrear escenas do cinema de todos os tempos baixo a orixinal óptica do fotógrafo Edu Pereira, que combina modernas técnicas 3D con fotografía tradicional para crear un estilo propio de fantasía, e ademais se ofrecesen unha serie de actuacións de música, teatro, clown, performance, etc. desenvolvidas por artistas profesionais.

A condución da gala correría a cargo do actor Víctor Grande e contaremos coas actuacións dos seguintes artistas:

- Carmen Conde

- Grupo Maltine

- Mago Charlangas

- DeSincroNacidas (Greta Marí e Mónica Suarez)

- Leö Kch

- Pedro Brandariz

- Fredi Muíño

- Isabel Risco

- Inquietas, compañía artística.