O 13 de febreiro A Coruña volverá vivir outra das súas grandes citas populares coa celebración da décimo cuarta edición do Medio Maratón Coruña21. Desde este xoves 13 de xaneiro xa é posible inscribirse a través da web www.carreirasgalegas.com. O prazo finalizará o próximo 6 de febreiro.

A proba está integrada unha vez máis no calendario da Real Federación Española de Atletismo, e desenvolverase por un circuíto homologado pola dita federación. A inscrición será de 18 euros no primeiro prazo ata o 30 de xaneiro; de 30 euros para as persoas inscritas no segundo prazo (desde o 31 de xaneiro ata o 6 de febreiro); e de 40 euros para as que se inscriban entre o 7 e o 8 de febreiro.

Establécense condicións especiais para as persoas desempregadas e xubiladas, que terán un desconto do 50% da cota que lles corresponda.

As categorías de participación na proba son:

Tanto en categoría masculina como feminina, haberá premios en metálico para as cinco primeiras persoas clasificadas. Tamén haberá premios para os/as mellores galegos e galegas e os/as mellores coruñeses e coruñesas. De novo este ano hai un premio económico especial ao récord da proba. As marcas para bater son na categoría masculina 1h 02' 30" e na feminina 1h 11' 16".

En definitiva, unha nova oportunidade de gozar do running na cidade herculina e de seguir aumentando a marea de corredores/as que inundan as nosas rúas cada día.