Esta ordenanza ten por obxecto o establecemento das condicións que haberán de cumprir os establecementos públicos para o desenvolvemento das actividades vinculadas á hostalería, restauración, lecer e recreativa.

Aplicaranse as determinacións desta ordenanza aos locais nos que se proxecte a implantación e exercicio de actividades nos que se expidan bebidas e alimentos de todo tipo para consumir no establecemento e espazos anexos, desenvolver ou non outras actividades con carácter principal ou complementario no mesmo establecemento, como no caso das Asociacións Culturais, Centros de Actividades Culturais a implantar por particulares, Sociedades Gastronómicas, Clubs de Fumadores, Centros de lecer e de actividades recreativas, pastelerías, panaderías e jamonerías e similares con estancias asimilables aos da hostalería do grupo I.

Observaranse nos establecementos comerciais, con independencia do procedemento de tramitación ao que se suxeite a implantación da actividade ou servizo, os requisitos establecidos nesta ordenanza nos casos nos que complementariamente se presten servizos asimilables aos previstos nalgunha das categorías do art. 2. desta Ordenanza.