A través do xogo, a música, os obxectos e unha coidada proposta visual, aparecen unha cebra de raias brancas e negras, unha xirafa curiosa, un crocodilo perigoso na auga pero tranquilo na terra e outros pequenos habitantes. Incluso unha xoaniña e un rato poden atopar o seu lugar nesta particular selva.

O espectáculo parte do interese natural que espertan os animais na infancia e das distintas emocións que provocan: curiosidade, agarimo, protección, sorpresa e, mesmo, certo temor. Os animais preséntanse mediante situacións e xogos próximos á maneira en que os/as nenos/as pequenos/as exploran o mundo.

A posta en escena combina teatro xestual, música, manipulación de obxectos, monicreques, poesía e estímulos visuais, e crea un ambiente sensorial, próximo e participativo. Inclúe textos poéticos de autoras e autores como Gloria Fuertes, Carlos Reviejo e Marisa Alonso Santamaría.

• Dirección: Lola Eiffel
• Actriz e cantante: Ana Isabel Gallego ou María Fernanda Carrasco
• Actor e músico: Ángel Sánchez ou César Espinoza

Premio Nacional de Artes Escénicas para a Infancia e a Mocidade en 2013, e "La selva" foi candidata aos Premios Max 2024

Puntos de venda de entradas:

• En liña: www.ataquilla.com
• Despacho de billetes da praza de Ourense: de luns a venres, das 11.00 ás 15.00 h e das 16.30 ás 19.30 h, excepto festivos
• Despacho de billetes do Centro Ágora: dende unha hora antes do comezo do espectáculo, sempre que queden entradas dispoñibles