O Concurso Soncello para Xoves Cellistas é unha actividade organizada pola Asociación de Violonchelistas de Galicia. Está dirixido á mocidade música con idades comprendidas entre os 11 e os 25 anos.

A terceira edición realizouse no Conservatorio Profesional de Música da Coruña durante a primeira fin de semana do pasado mes de maio, e contou con prestixiosos violonchelistas no xurado. Participaron un total de 30 violonchelistas vidos de diversos lugares como: Braga, Madrid, Ponferrada, Mérida, Avilés, Xixón, Sevilla, Selecta, Zaragoza, Vigo, Ferrol, Pontevedra, Santiago, Ourense, Lugo e A Coruña.

O Premio Cidade da Coruña é o galardón de maior rango do concurso e é a contribución ao palmarés por parte da Concellería de Cultura do Concello da Coruña.

Outros patrocinadores desta terceira edición foron: a Deputación da Coruña, o Conservatorio Profesional de Música da Coruña, a Asociación Luigi Boccherini, os luthieres Vidal, Roberto Jardón Rico e José Catoira, a arqueteira Mercedes Solar, os comercios da cidade Musical Cienfuegos e Musical 47, o Curso de verán "Fagamos música" e o Curso Cello León e os fabricantes de cordas Thomastik e Pirastro.

Pola súa banda, o luthier vigués Anxo Cabreira dooulle á Asociación de Violonchelistas de Galicia un violonchelo para ser cedido durante dous anos ao gañador do Premio Especial Soncello.

Desde a Asociación de Violonchelistas de Galicia congratulámonos en anunciar a realización deste concerto de laureados. Estamos ademais traballando xa na próxima edición do concurso, que terá lugar en 2021, para seguir deste xeito achegando á vida cultural da cidade e ofrecéndolle á mocidade músic a posibilidade de participar nunha enriquecedora experiencia musical.