Tras protagonizar a primeira volta ao mundo, Elcano regresa ao mando de "La Victoria", cargada de cravo. Xérase con rapidez un entusiasmo polas novas perspectivas económicas e políticas e ábrese un mercado onde A Coruña xogaría un papel importante pola súa situación privilexiada. Créase a "Casa de contratación da especia" e organízanse varias expedicións e armadas que parten de dita cidade. As conferencias impartiranas recoñecidos especialistas e versarán sobre os aspectos máis significativos destes sucesos e episodios singulares desas viaxes marítimas; particularmente o destino dunha das naves que desaparece na viaxe de Loaysa. Estudarase tamén a emigración galega desa época e por último, a trasformación dos portos galegos ao ser lugares de partida das diferentes armadas e expedicións marítimas. Con estas xornadas, a Fundación Biblioteca da Casa do Consulado pretende a mellora do coñecemento e a difusión do seu legado histórico, así como das actividades económicas e sociais relacionadas coa cidade e a Comunidade Galega.

Organiza: Fundación Biblioteca da Casa do Consulado