Resultado dos Talleres de Memoria levados a cabo no 2013 con xuventude inmigrante e persoas maiores emigrantes retornadas do barrio Agra do Orzán da Coruña no proxecto Agra-Activa de Ecos do Sur, a exposición “O mosaico da vida” reúne fotografías persoais dos participantes neles, é dicir, dos galegos que emigraron a diferentes países, principalmente latinoamericanos (Arxentina, Venezuela, Uruguai, Brasil,…) e no seu retorno estableceron a súa residencia na Agra do Orzán, con inmigrantes novos orixinarios deses países que no seu proceso migratorio tamén estableceron a súa residencia no barrio da Agra do Orzán.

Nesta exposición nútrese da cesión temporal de imaxes persoais destas persoas retratadas tanto naqueles países de orixe ou emigración, como na súa convivencia multicultural actual no barrio Agra do Orzán.