O Festival das Artes pola Inclusión presenta a súa edición máis completa e variada.

Teatro, música, danza, grafitis, exposicións, encontros.

Volve o Festigual, o festival de todas.

Un proxecto que cumpre 7 anos e que busca romper coas trabas que atopan moitas persoas á hora de consumir cultura.

Esta edición celébrase do 1 de novembro ao 3 de decembro, Día Mundial das Persoas con Discapacidade e resalta pola súa transversalidade temática e participativa no que se refire á creación cultural.

O peche do festival estará a cargo do recoñecido grupo de pandeireteiras PAN.SEN.FRON liderado por Xurxo Fernandes.

A programación, pensada para facilitar o acceso á cultura a calquera persoa independentemente das súas capacidades, vertébrase ao redor das pezas artísticas nas que traballan durante meses asociacións e profesionais.

O Festigual arrinca no Teatro Colón o 1 de novembro coa segunda edición de "Música baixo as estrelas", unha gala na que participan os artista de rúa da cidade.