A cita no Coliseum da Coruña será o vindeiro sábado 13 de outubro de 2018 a partir das 21:30 horas, a apertura de portas será ás 19:30 h.

Melendi é unha das figuras máis importantes do panorama musical dos últimos anos e un dos artistas máis queridos e admirados polo público.

Tras un 2017 repleto de éxitos no que o cantautor se afianzou como un dos cantautores máis relevantes tanto en España como en América grazas á súa espectacular xira con entradas esgotadas na práctica totalidade dos concertos -incluíndo recintos tan emblemáticos como o Auditorio Nacional de México - e ao éxito de cancións como "Desde que estamos juntos" (nomeada como Canción do Ano nos Latin Grammy) e "Destino o casualidad" (disco de ouro en Estados Unidos e México), Melendi presenta en marzo de 2018 AHORA. Producido novamente polo propio Melendi xunto a Luca Germini, o disco conta coas colaboracións de Carlos Vives - xa un éxito en radios e plataformas dixitais a ambos os dous lados do charco-, Alejandro Sanz e Arkano; e será, sen dúbida, un novo éxito na fulgurante traxectoria do asturiano.

VENDA DE LOCALIDADES

Despacho Central da praza de Ourense: de luns a venres (excepto festivos) de 9.30 a 13.00 e de 16.30 a 19.30 h.

Despacho do Coliseum: aberto só días de concerto desde as 17.00 h ata o inicio do concerto (só se hai localidades dispoñibles)

Televenda: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h) ou web