O deleite musical compartido entre intérpretes e bebés, pais e irmáns, avós e amigos é o que sostén o proxecto. Os concertos teñen como matriz a chamada “música clásica”, pero desenvólvense nun aliñamento cheo de temas tradicionais, de pop-rock e de improvisacións vocais-instrumentais coa participación de todo o público.

Cada concerto é unha experiencia de complicidades, onde os sons e os silencios sorprenden a todos. De Monteverdi a Mozart, do cavaquinho aos didgeridoos, intercámbianse espantos e escóitanse suspiros.

A grande experiencia dos instrumentistas inunda a sala de momentos fortes e os cantos estimulan o encantamento. Con intérpretes apaixonados polos nenos, o tempo pasa e o concerto termina nun plis-plas.