Concello da Coruña

Concello da Coruña

Cando:

25 de setembro de 2017

A Casa da Cultura Salvador de Madariaga acolle desde mañá a mostra ‘Dessins en liberté’, que reflexiona sobre a liberdade de expresión a través do humor gráfico

O concelleiro de Culturas, José Manuel Sande, inaugurará a exposición, na que colaboran o Institut Français e a Alliance Française da Coruña, e que inclúe a homenaxe de artistas gráficos de distintas partes do mundo ao semanario satírico Charlie Hebdó tras o ataque terrorista de 2015

O concelleiro de Culturas, Deporte e Coñecemento, José Manuel Sande, inaugura mañá, na Casa da Cultura Salvador de Madariaga, a exposición Dessins en liberté, que o Concello organiza en colaboración co Institut Français e a Alliance Française da Coruña e que recolle unha escolma de imaxes publicadas en distintos medios de comunicación en reivindicación da liberdade de expresión. Entre elas, cóntanse as distintas homenaxes dedicadas á revista satírica Charlie Hebdó tras o atentado terrorista que sufriu a súa redacción de París en xaneiro de 2015 e material publicado nas viñetas de xornais e revisas de todo o mundo, para abordar, desde o humor gráfico, temas como a corrupción, as voces das mulleres e a discriminación por xénero, os movementos contra a desigualdade social ou de loita contra o cambio climático ou a crise nas fronteiras, entre outros.

A mostra, que se poderá visitar ata o 5 de novembro en horario de 12.00 a 14.00 horas e de 18.00 a 21.00 horas, todos os días da semana, componse de 12 lonas nas que se poderá ver o traballo de 50 debuxantes procedentes de 45 países en relación co ataque ao semanario satírico francés e en reivindicación da liberdade de expresión como dereito fundamental. Xunto con estas imaxes, a proposta recompila unha selección doutros debuxos publicados en distintos medios, achegados pola Alliance Française da Coruña. A súa directora, Olga Bellas, participará xunto co responsable municipal de Culturas no acto inaugural de mañá, que terá lugar ás 19.30 horas.

Buscas algo concreto?

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión