Ti es o que ves. Somos o que vemos. A tribo reúnese para o ritual iniciático da viaxe da vida. Como nun espello, moldearemos o reflexo daquilo que nos rodea reinterpretándolo para chegar a ser o que somos. Antes de Nada, Todo NON era.

MIMESIS constrúese en ton á imitación como vía de relación co mundo que nos rodea, aprendemos porque repetimos aquilo que vemos. Formamos parte dunha comunicada dunha contorna natural que nos serve de referencia para a construción do que chegaremos a ser. A modo de ritual non verbal comunicámonos entre nós, comunicámonos convosco, comunicádesvos connosco e no xogo da repetición o espazo que habitamos transfórmase.

MIMESIS concíbese como un ritual escénico iniciático para a primeira infancia e as súas familias, que constrúe un ecosistema escénico para que sexa habitado e compartido por intérpretes e familias participantes. É unha proposta que parte da honestidade e o respecto, preservando a capacidade de desenvolvemento creativo dos públicos máis cativos, cunha coidada produción internacional de máis de tres anos realizada entre España e Alemaña.

https://www.youtube.com/watch?v=8sBQ8kmPITk

Concepto, coreografía e interpretación: Estrella García y Miguel Quiroga.

Música orixinal e interpretación: Miguel Pérez Iniesta e Emmanuelle Bernard.

Dirección artística: Estrella García.

VENDA DE BILLETES

• www.ataquilla.com

• Despacho de billetes da praza de Ourense (agás festivos): de luns a venres de 11.00 a 15.00 h e de 16.30 h a 19.30 h.

• Despacho de billetes do Ágora: desde unha hora antes do comezo do espectáculo (sempre que queden entradas dispoñibles)