A partir do programa de Cadena Ser

Vidas enterradas é un serial radiofónico creado polos xornalistas Javier del Pino, Conchi Cejudo e Gervasio Sánchez para o programa "A vivir que son dos días" da Cadena SER. A través do documental sonoro rescátase a vida e a morte de persoas asasinadas durante a Guerra Civil e o franquismo. Dos protagonistas destas historias apenas se conservan algunhas fotografías, pero os recordos seguen vivos nos seus fillos e fillas, nos seus netos/as e bisnetos/as, na súa veciñanza, nos seus compañeiros de loita. Despois de décadas, son eles quen rompen o silencio para narrar esas biografías.

Con ese material, catro compañías: L'Om Imprebís, Teatro del Temple, Micomicón Teatro e Teatro Corsario prepararon unha versión teatral a partir dunha serie de monólogos encadeados que nos achegan ás vítimas, testemuñas e especialistas comprometidos no rescate desa memoria enterrada. O espectáculo está pensado para representarse en lugares non convencionais e cun formato aberto que permita, co tempo, ir integrando novos testemuños, ata realizar un gran fresco das fosas silenciadas do franquismo e do gran número de desaparecidos que fan do noso país o segundo do mundo nesta cuestión.

O programa "Vidas enterradas" mereceu o Premio Internacional de Xornalismo Rey de España.

Repartición: Mariano Anós, Edu Borja, Carles Montoliu, María José Moreno, Mateo Rubistein e Pilar San José

Textos: Mafalda Bellido, Juan Mayorga, Juan José Millás, Alfonso Plou, Laila Ripoll e Pepe Viyuela

Dirección: Santiago Sánchez, Carlos Martín, Mariano Llorente e Jesús Peña

Unha produción de L'Om Imprebís, Teatro del Temple, Micomicón Teatro e Teatro Corsario

Duración estimada: 60 minutos

*Venda de entradas a partir do 14 de setembro

Despacho de billetes Central, praza de Ourense: de luns a venres de 9.30 a 13.00 e de 16.30 a 19.30 h

Despacho de billetes do Teatro Rosalía: só abre os días de función de 16.00 a 20.00 h

Televenda: 662 867 109

Web: https://corunacultura.sacatuentrada.es/es/busqueda?&pagina=1

IMPORTANTE: durante este espectáculo é obrigatorio usar a máscara desde que se entra ao teatro ata que se sae.