Cris de Caldas (bibliotecaria e contadora) e Xavi do Camiño (músico) achégannos, para as familias con nenas e nenos máis pequenos, estes "Contos pequeniños" nos que mesturan o lúdico e o pedagóxico e que se basean sobre todo na tradición oral.

Coa axuda do propio corpo, de instrumentos musicais e obxectos sinxelos realizan unha sesión dos seus "Contos pequeniños" para crianzas de 0 a 3 anos.

A voz e a música de Cris de Caldas e Xavi do Camiño vanse mesturando en contos de animais e tratan tamén de facer do momento da comida unha experiencia máis agradable con algunhas das fórmulas máis tradicionais que se utilizaron de sempre. 

Visible dende o 20 de decembro de 2020 ata o 20 de xaneiro de 2021.

Organiza Normalización Lingüística do Concello da Coruña dentro do programa Apego.

Espectáculo en formato dixital, por mor da pandemia sanitaria.