O próximo baile será comigo, unha obra de Sabela Losada Cortizas que aborda, en primeira persoa, a importancia do apoio mutuo entre mulleres fronte á violencia machista.

O documental, que xa xerou un importante interese e debate, foi preestreado en Santiago, recibiu o Premio Luisa Villalta 2024 da Deputación da Coruña, un recoñecemento que pon en valor o seu achegamento á igualdade e á reflexión social.

Unha mirada sobre a forza do apoio mutuo

O próximo baile será comigo, pon o foco na importancia da sororidade e do apoio mutuo entre mulleres, mostrando como este acompañamento pode resultar fundamental para afrontar situacións de violencia machista.

A obra tamén aborda unha realidade especialmente complexa: a falta de apoio social e institucional coa que en moitas ocasións se atopan as vítimas.

A través dunha mirada directa e en primeira persoa, o documental busca achegar o público a unha realidade que continúa presente na sociedade e promover unha refexión colectiva sobre a necesidade de acompañar, apoiar e non deixar soas as mulleres que sofren violencia.

O próximo baile será comigo, é un proxecto de Sabela Losada Cortizas, coa participación de Alicia García Sampedro, Carmen, Cata Alonso Abeijón, Merchi (nai de Alejandra Di Nuovo Gómez), Ysabel Marcano e Sabela Losada Cortizas. Conta coas cámaras de David González e Chema Montero, son de Francisco Gómez, montaxe de Susana Sotelo e Chema Montero, posprodución de son de Brais Barreiro e cor de Javier Brun.