ENCONTRO MUNDIAL DE HUMORISMO DA CORUÑA (EMHU)
Para público en xeral
07/05/2022
Xa rematou
19:00 h
75 min
Prezo: 5€ | 8€ | 10€
Car de Lorenzo, Xurxo Carreño, O Cellas e Animalize21 presentan Sen datos non hai paraíso.
Catro estrelas da comedia en redes sociais xúntanse para presentar en exclusiva mundial o seu primeiro espectáculo de comedia en vivo. O Cellas, Car de Lorenzo, Xurxo Carreño e Animalize21 xuntan entre os catro máis de 19 millóns de seguidores. Se todos os seus followers decidisen vir ver o show, a cola chegaría ata Sebastopol, así que non o deixes para o último día. Cada un deles, por separado, son referentes en Instagram, en Youtube ou en Tiktok e agora temos a ocasión de ver aos catro en vivo sobre un escenario.
Sen datos non hai paraíso -the laif expiriens- é un show teatral con forma de programa de televisión no que se mesturan as linguaxes de Youtube, Instagram e Tiktok. O Cellas ten, por primeira vez, a súa propio Latexa Night, o seu propio show, e alí visitarano unha impredicible fauna de invitados que tratarán de sorprendelo con sketches, monólogos, vídeos, dobraxes e cancións. Todo en vivo, todo en directo e todo no Teatro Colón da Coruña, dentro do EMHU.
Trátase dunha festa na que Car de Lorenzo, O Cellas, Xurxo Carreño e Animalize21 son os anfitrións, unha festa para atoparse con todos os seus seguidores. Un encontro no que pode pasar calquera cousa porque unha festa de verdade ha de ser como o Quixote, que todo o mundo sabe como empeza, pero ninguén como acaba.
CONSULTA Os ABONOS PARA O ENCONTRO. ¡SÓ EN LIÑA!
VENDA DE LOCALIDADES
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible