Falando a Boca Chea é un festival de narración oral con narradores e narradoras galegos/as que comparten os seus relatos variados con espectáculos dirixidos a diferentes tipos de público.
Dirixido a nenos e nenas de 2 a 4 anos
Infantil, Familias
16/04/2026
Dende o 09/04/2026 ata o 16/04/2026
Require inscrición
De 18.00 a 19.00 h
1 h.
Biblioteca Municipal Fórum Metropolitano. Rúa Río Monelos 1. 15006 A Coruña
30
bforum@coruna.gal
Tel.: 981 184 298
O martes 16 de abril ás 18.00 h recibimos, na Biblioteca Fórum, a Marta Ortíz neste contacontos para nenos e nenas de 2 a 4 anos.
Casa, Casiña, Casona
Pum, pum! Quen é? Quen chama á miña casa, casiña, casona?
Imos visitar casas grandes, diminutas, casas que caben na man, casas-zapato, casas de fío, casas-maleta que viaxan polo mundo... Tamén imos coñecer aos seus habitantes: animais que falan, obxectos cotiás e máxicos, familias diversas e asombrosas...
A casa é o símbolo do colo amoroso que nos acolle nos primeiros anos de vida, o colo que nos arrola, abraza e protexe. A casa é o fogar, o centro do mundo na primeira infancia e está chea de portas e ventás que se abren ao mundo e que nos convidan a descubrilo. Cada quen ao seu ritmo, levada pola súa propia curiosidade.
Un espectáculo para primeira infancia e as súas familias baseado no asombro, a transmisión do amor a través da lingua galega e a palabra, dos primeiros cantos, xogos, cancións de dedos, trabalinguas, arrolos poemas... que forxan os cimentos da casa que construímos ao longo das nosas vidas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible