Nesta oitava edición do festival Ferrados de Letras, ademais das actuacións de Tradivivas Agra, colectivos veciñais de baile, canto e recitados da Asociación veciñal Agra, asistiremos ao dobre concerto dos grupos Parabéns e Fiandola.

Parabéns: naceu hai algo máis dez anos pola necesidade de cantar na nosa lingua, recollendo temas populares e achegando algúns propios.

Fiandola: é un grupo de música galega de base tradicional. O traballo deste grupo nace da transformación e interiorización da música de raíz de Galicia que se plasma nun modo particular de interpretar esta música e de compoñer novas melodías. Fiandola presenta un repertorio orientado ao baile e ao directo e que se nutre do traballo de campo desenvolvido polos membros do grupo, polos cancioneiros e arquivos dispoñibles e polo traballos de composición e arranxos que eles mesmos elaboran ou por melodías doutros compositores galegos.

Ferrados de Letras, como toda a programación Agra no Ágora, de colaboración entre a Asociación Veciñal Agra e o Concello da Coruña, ten a entrada libre e gratuíta.