• A entrada deste concerto é nominal, persoal e intransferible. Non se admiten cambios de entradas, nin de titularidade delas, nin devolucións.
• A persoa titular da entrada debe indicar o seu nome e apelidos, tal e como figuran no seu Documento Nacional de Identidade (DNI).
• A persoa titular da entrada deberase identificar presentando o seu DNI xunto coa súa entrada no acceso ao recinto.

Hogar (Hook Ediciones Musicales, 2021) é un álbum para escoitar detidamente, que nos transporta aos fogares de cada un dos compoñentes, á súa parte máis íntima e persoal, nun dos traballos máis emocionais da banda ata o momento. Producido por IZAL, Brett Shaw (Foals, Florence and The Machine, Lady Gaga etc.) xunto a Sancho Gómez-Escolar, quen dedicou os últimos meses do 2020 a construír as doce pistas deste disco dacabalo entre as paisaxes da serra Tramontana en Mallorca, o frenesí do asfalto madrileño e a tenaz choiva londiniense. O Hogar de IZAL é un álbum de fotografías sonoras, historias cotiás feitas canción, contadas a través do relato, as letras, a fotografía e o vídeo. Hogar é un reflexo da vida, do cambio, da volatilidade e transformación. Unha metamorfose musical que evoluciona cara a novos sons, xogando con estilos e recursos que converten este disco nun dos seus traballos máis completos e reflexivos. Un exercicio orixinal onde a banda explora e derruba as barreiras da súa zona musical de confort. Letras espidas enmarcadas en novos terreos musicais conxúganse nesta viaxe da que somos partícipes e onde non se permite baixar a garda ante a verdade captada da forma máis crúa sen embelecer a realidade; e é que Hogar é un disco que se recomenda escoitar varias veces e que promete cambiar percepcións e xerar opinións.

Venda de entradas desde o 17 de febreiro de 2022 ás 12.00 h

VENDA DE LOCALIDADES

• Venda en liña: Ataquilla.com
• Venda no despacho de billetes do Coliseum: unicamente os días de concerto desde as 17:00 h
• Venda no despacho de billetes central da praza de Ourense: de luns a venres (excepto festivos) de 11.00 a 15.00 e de 16.30 a 19.30 h.