O luns 27 de maio ás 19.00 h na Biblioteca Municipal Fórum Metropolitano teremos a presentación do libro "Cuando no recuerdes mi nombre" de Paula Ramos Barral, publicado polo editorial Talón de Aquiles.

Sinopse:

Que queda cando os recordos desaparecen? Como se chora o que aínda non marchou pero tampouco está? Que se di cando non existe nada que faga xustiza ao que un sente?

Cuando no recuerdes mi nombre é unha breve viaxe cara ao esquecemento a través dos medos, as preocupacións e os anhelos compartidos. Unha disección do Alzheimer, da dor e a tristeza, da desorde que deixa. Unha colección de sentimentos, bos, malos e innomeables. Unha homenaxe ás persoas condenadas a esquecer e ás que lembran no seu nome.

Biografía:

Paula Ramos Barral (A Coruña, 2000) é graduada en Xornalismo pola Universidade Complutense de Madrid. Pasou por La Voz de Galicia, Cadena SER e Producciones del KO. Colabora coa revista Jot Down. Cuando no recuerdes mi nombre é a súa primeira novela.