Concello da Coruña

Concello da Coruña

O nunca visto

O patrimonio oculto da arte contemporánea galega

A quen vai dirixido:

Para público en xeral

Cando:

Dende o 20/05/2021 ata o 23/12/2021

Horario:

19.30 h

Enderezo:

Fundación Luis Seoane. Rúa San Francisco 27. 15001 A Coruña

Páxina web:

www.fundacionluisseoane.gal

Contacto:

info@fundacionluisseoane.gal

+34 981 216 015

O nunca visto é unha iniciativa da Fundación Luis Seoane en colaboración con A Colectiva. Asociación Profesional de Artistas de Galicia, cuxo obxectivo é dar a coñecer proxectos que non acadaron unha forma definitiva, ou que non se puideron expoñer ou executar ata agora; unha oportunidade de afondar nos procesos que acompañan a creación axudando a construír o seu corpus formal e conceptual.

Falamos habitualmente do que se ve, dos traballos que se difundiron, que se levaron a cabo ou se materializaron desde diversas perspectivas e que remataron por formar parte do tecido colectivo. Mais tamén é preciso dar cabida a un patrimonio menos coñecido pero igualmente determinante: as pezas que, por diferentes motivos, quedaron sen concluír. Estes proxectos engrosan e acompañan a traxectoria artística axudando a construír un relato persoal e profesional. Por iso, é necesario achegarse a ese fóra de plano para dotar dun novo significado todas as fases do proceso, facendo público o que non se ve e revelándoo como un dos elos que compoñen o exercicio artístico. A través desta iniciativa, preténdese darlle visibilidade ao tecido profesional da creación alén das fórmulas habituais: as exposicións de obra rematada, a difusión en redes etc. Os proxectos serán presentados ao longo do ano, cun formato similar ao dunha conferencia, coincidindo cos meses de maior actividade na fundación.

Como complemento ás charlas presenciais, a coordinadora do proxecto, Sara Donoso, realizaralles unha serie de entrevistas aos/ás artistas ás que se poderá acceder posteriormente a través desta mesma páxina.

O nunca visto contará coas intervencións de:

- Mónica Mura. Artista interdisciplinar, performer e activista

- Sabela Eiriz. Artista visual, escritora, fotógrafa e creadora audiovisual

- Enrique Lista. Artista e doutor en Belas Artes pola Universidade de Vigo

- Eugenia Cuéllar. Artista

- Alberto Ardid. Artista plástico e visual

- Iria Vázquez. Artista multidisciplinar, investigadora e docente. Doutora en Belas Artes pola Universidade de Vigo

Próxima intervención: Sabela Eiriz. Xoves 17 de xuño, 19.30 horas. Acceso libre, logo da reserva previa no teléfono 981 216 015 (prazas limitadas).

Buscas algo concreto?

Datas

Escolla período ou rango de datas:

Dende:

Ata:

Opcións

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión