Neste obradoiro montaremos un planisferio celestey aprenderemos a usalo para identificar as constelacións que podemos ver no ceo de Galicia en calquera noite da nosa vida ye comprender como varía o firmamento co paso das horas e os días. Todo o material necesario (modelo de planisferio, tesoiras e pegamento) terao preparado a Agrupación Astronómica Coruñesa Ío. Ademais, daremos algunhas pistas para a observación da eclipse total de Sol que ocorrerá en Coruña o 12 de agosto de 2026.

Esta actividade está orientada a público familiar (o público infantil debe ir acompañado de persoas adultas).