Máis de 4.000 representacións coa súa compañía levárona a visitar os mellores teatros do mundo, converténdoa nunha das máis recoñecidas embaixadoras da cultura española. Os teatros máis importantes rendéronse aos seus pés, con excelentes críticas de prensa e público.

Así, o espectáculo 'Alma' chega para transmitir a esencia das súas raíces e ampla traxectoria sobre as táboas. A nova creación aúna flamenco e bolero a través de música de hoxe e de sempre.

Seguiriya, soleá, cana, garrotín, bulería... todas elas acompañadas de voz e guitarra. Alma é unha creación diferente e singular que percorre sons de sempre desde unha perspectiva completamente nova.

Sara Baras é unha das representantes máis prestixiosas e recoñecidas das artes escénicas a nivel internacional. Bailaora, directora e coreógrafa de indiscutible talento.

Sara Baras ofrecerá esta exclusiva cita da man de Cávea Producións, que en anos anteriores tróuxoa á cidade cos seus espectáculos "A Pepa" (2012),"Voces" (2015) e "Sombras" (2018).

VENDA DE LOCALIDADES

• Venda en liña: Ataquilla.com
• Venda no despacho de billetes do Palacio: unicamente días espectáculo nos horarios habituais (sempre que queden localidades dispoñibles)
• Venda no despacho de billetes central Praza de Ourense: De luns a venres (excepto festivos) de 11.00 a 15.00 e de 16.30 a 19.30 h.