Transferido prematuramente desde o correccional ao cárcere para adultos, debido ao seu conflitivo comportamento, Eric descobre que na prisión que o acollerá desde agora está tamén cumprindo condena o seu pai, Neville (Ben Mendelsohn), a quen non vía desde que era un neno.

O temperamento explosivo do mozo axiña lle ocasiona inimigos, tanto entre os funcionarios da prisión como entre os propios presos, e só conta coa axuda de Oliver (Rupert Friend), un psicoterapeuta voluntario que está a cargo dun grupo de terapia para que os presos controlen a súa ira. Eric vese sen saída ante a corrupción dalgúns dos funcionarios cos presos que controlan as normas do lugar, e acabará tendo que loitar para salvar a súa propia vida.

A pesar de que a relación co seu pai atravesa momentos de gran tensión, descubrirá que pode contar con el para protexérense mutuamente, e xuntos establecerán a relación que nunca tiveron cando estaban en liberdade.

De David Mackenzie

Con: Jack O´Connell e Ben Mendelsohn

Reino Unido, 2013 - 100 min (VOS en castelán)

Formato: DVD

Non recomendada para menores de 18 anos

VENDA DE ENTRADAS

Media hora antes de cada función (só se quedan entradas dispoñibles)

VENDA ANTICIPADA

En conserxería, de luns a venres de 9.00 a 14.00 e de 16.00 a 20.00 h; sábados de 10.00 a 13.00 h