É unha visión terrible, pavorosa. Intúense seres saídos dos peores pesadelos escondidos entre as sombras. O nervio e o terror apodéranse do ambiente, as palabras atropélanse nas bocas. Será certo que aquel lugar está habitado por un monstro? Si, iso parece.

Monstros é un espectáculo familiar que reflexiona sobre aquilo que consideramos monstruoso e que talvez por iso nos fai sentir terror. Pero faino desde o humor, porque a risa é o mellor antídoto contra o que nos asusta. Monstros é o artefacto divertido que nos conta que aprender a convivir cos nosos medos axúdanos a entendernos a nós e ás demais persoas, a aceptar as nosas propias monstruosidades.

Autoría e dramaturxia: Lucía Aldao e María Lado

Dirección: Marcos Orsi

Elenco: Rocío González, Víctor Mosqueira, Piti Sanz e Patricia Vázquez

Público: + 8 anos

Duración: 50 minutos

Espectáculo en galego

VENDA DE ENTRADAS:

• www.ataquilla.com
• Despacho de billetes da praza de Ourense (excepto festivos): de luns a venres, das 11.00 ás 15.00 h e das 16.30 ás 19.30 h
• Despacho de billetes do Fórum Metropolitano: dende unha hora antes do comezo do espectáculo (sempre que queden entradas dispoñibles)