Longametraxe documental coa dirección e realización de Xosé Bocixa (autor de"As Encrobas A ceo aberto", "Rosa de Corcoesto"...) e coa produción de Tingalaranga Audiovisual en colaboración con Nós Tv presentan un documental que aborda en 55 minutos (a través da voz de científicos, veciñas e veciños, alcaldes, empresari@s, o conflito xurdido en Touro e O Pino desde que a empresa galega Cobre S Rafael coa chipriota Atalaia Mining que ten case o monopolio do negocio do cobre no Estado, pretenden reabrir as vellas minas de cobre dado o seu alto prezo no mercado debido á demanda asiática.

Unha explotación moi cuestionada pois afectaríalle ao Camiño de Santiago, a moitas empresas de turismo, gandeiría, agricultura, así como ás augas que abastecen a comarca, existindo riscos graves para a vida das persoas de zonas coma Arinteiro.

O río Ulla podería verse gravemente afectado e mesmo as zonas marisqueiras da súa desembocadura na Arousa.