Na pel da Memoria, 14', Laura Piñeiro e Coral Piñeiro Unha carta a Mariví Villaverde, filla do alcalde republicano da vila onde nace nosa remitente. Mariví con 14 anos vese obrigada a exiliarse por culpa do golpe de estado. Teñen as súas vidas algo que ver? Son visibles as pegadas das persoas e das historias que nos precederon nos lugares onde medramos? Este relato reflexiona sobre a importancia da memoria histórica a través das vivencias do seu protagonista.

Mothertruckers, 15', Paula Romeu. Mentres a crise do transporte crece no Reino Unido, Lisa, camioneira e escritora, soña con escapar da realidade. A cabina do seu camión e a constante viaxe por estrada daranlle acceso a unha imaxinación fóra deste mundo.

Kalabukú (a semente do cambio), 17', Andrea Bouzo. En Oukout, catro mulleres reúnense cada domingo co seu grupo para autoxestionar un sistema de microcréditos, xunto coa colleita do arroz. Este alimento é símbolo de unidade e prosperidade nesta zona da Baixa Casamance, Senegal, pois o individualismo non ten cabida na súa sociedade. Para sobrevivir, necesítanse as unhas ás outras, e xuntas procuran un equilibrio entre a vida tradicional e a independencia económica. Kalabukú ['as mulleres' en diola] sementan a semente dun cambio que xa se está xestando.

Coloquio posterior con Andrea Bouzo, directora de Kalabukú.