Do variado repertorio das vacas nace, pois, unha ópera en catro actos que abarca cancións, letras e vivencias. Baixo unha coidada dirección de escena descóbrese un mundo insólito que non por divertido e surreal é menos serio e esplendoroso. Para esta efeméride presentan unha proposta musical en gran formato, cunha orquestra de luxo creada para a ocasión, acompañadas dun orfeón consolidado e de gran renome como o Coro da Ra. Todos estes elementos confluirán na escena, subliñando o carácter sinfónico dos seus grandes himnos. Se naceron espindo as cancións para interpretalas con só tres voces e unha guitarra, agora queren revestilas coas mellores galas para celebrar así estes 10 anos de vida compartida. Diversión, epicidade, vacanal... son as súas máximas para esta efeméride. Estarán arroupadas por unha escenografía espectacular, unha proposta visual e de iluminación acorde coa celebración, e un vestiario renovado.

VENDA DE ENTRADAS