Concello da Coruña

Normas de obrigado cumprimento

1. As persoas participantes deberán presentarse, co xustificante da inscrición e acompañadas pola nai, pai ou titor/a, o día 5 de xaneiro ás 15:30 horas no punto determinado polo IMCE que será comunicado no momento de confirmación da praza, onde quedarán ao cargo das persoas responsables da organización da Cabalgata de Reis 2020.

2. Desde o momento da entrega ata a hora de inicio da Cabalgata, as persoas participantes permanecerán nas instalacións asignadas, onde se vestirán e realizarán actividades variadas para amenizar a espera ata a chegada das súas maxestades os Reis Magos de Oriente.
3. Durante o percorrido, as persoas participantes lanzarán caramelos desde as súas carrozas e sempre deberán atender as indicacións das súas monitoras ou monitores asignados.
4. A duración do percorrido da Cabalgata de Reis 2020 será aproximadamente de 3 horas e está prevista a chegada á praza de María Pita ás 20:30 horas.
5. Unha vez que finalice o saúdo real, e SÓ ENTÓN, as e os figurantes menores serán recollidos polas persoas responsables (nai, pai ou titor/a) pola "porta" que corresponda, logo de se comprobaren as pulseiras identificativas de ambas/os.
6. En NINGÚN CASO se poderá acceder ás zonas delimitadas pola organización na praza de María Pita para recoller a unha ou un menor participante antes de que finalice o saúdo real.