O próximo 29 de outubro de 2025, de 17:00 a 20:00 horas, celebrarase no Centro de Empresas Accede Papagaio a xornada formativa Licitacións Públicas: oportunidade de negocio para autónomos e pequenas empresas.

O encontro ten como obxectivo dar a coñecer a contratación pública como unha vía real de negocio para autónomos e Pemes, mostrando as oportunidades existentes na Coruña. Durante as tres horas de duración, os asistentes aprenderán como contrata a Administración aos seus provedores, que requisitos deben cumprir e recibirán ferramentas prácticas para elaborar propostas sólidas e competitivas para os procesos de licitación.

Esta iniciativa busca achegar a contratación pública ao tecido empresarial local, impulsando a participación de pequenas empresas no mercado institucional.