OBXECTIVO:

Consideramos necesario, tanto para emprendedores como para empresarios, o coñecemento de certas materias que lles son descoñecidas ou que requiren unha actualización; para iso colabórase cos emprendedores na orientación sobre a viabilidade da idea, a información sobre axudas e subvencións, e a asistencia na posta en marcha de actividade.

O obxectivo é, polo tanto, mellorar as posibilidades de éxito dos proxectos que se inician e a supervivencia das pequenas empresas.

ITINERARIO PARA EMPRENDEDORES:

Este itinerario ten o seu inicio nun asesoramento grupal básico onde se imparte unha formación xeral sobre plan de empresa: formas xurídicas, trámites de constitución e axudas e subvencións, para pasar ou ben a un asesoramento individual, en funcion das necesidades de cada proxecto ou ben a un proceso de formación nas distintas áreas que se consideran básicas como son: fiscalidade, financiacion, elaboración de plan de empresa, e novas tecnoloxías. Non se descarta ampliar esta formación en áreas máis específicas en función do demandado polos emprendedores.

En todo caso, o obxectivo final é a creación de empresas no noso termo muncipal, que son responsables de xeración de emprego e riqueza.

ASESORAMENTO:

• Diariamente: asesoramentos individuais
• Semanalmente: 1 asesoramento grupal

FORMACIÓN:

• Taller de Plan de empresa: A idea é que o emprendedor elabore o seu plan de empresa, estude o mercado, plasme nun papel estimacións de ingresos e gastos, e que reflexione sobre a súa viabilidade.
• Taller de Presentación de Proxectos: Finalizada a elaboración do Plan de empresa, o emprendedor debe coñecer as pautas básicas para facer unha boa presentación del.
• Taller de Fiscalidade para que o emprendedor: teña unha idea básica, clara e concisa das distintas obrigas fiscais e tributarias (IVE, IRPF, SOCIEDADES).
• Taller de Financiamento: Preténdese abordar as distintas formas de procura de fondos que poden existir para investimento e tesourería; autofinanciamento e financiamento alleo a curto e longo prazo.
• Taller de Novas Tecnoloxías: Co obxectivo de sensibilizar os emprendedores e titulares de empresas da utilidade das ferramentas que hai ao seu alcance para conectar con clientes, actuais e futuros, e establecer unha relación directa con eles: Facebook, Twitter, blogs…, e a elección de cal pode resultar de máis axuda en cada caso.

Cronograma do segundo semestre:

Para inscribirse a través do e-mail: emprego@coruna.es

Número de prazas limitadas

Datos mínimos de inscrición previa: nome e apelidos, proxecto empresarial, teléfono de contacto e e-mail.