Entramos no fondo do mar con Babili Glub (Galitoon), onde a calma das augas se rompe coa aparición dun peixiño moi especial e as súas curiosas aventuras estimulan os sentidos e a imaxinación.

Subimos ás alturas coa poesía de Y las ideas vuelan (Animal Religion), deixando que as ideas medren, se transformen e se entrelacen co movemento, a música e o xogo.

Percorremos os ritmos da terra con Pachamamá (Cachirulo Teatro), que esperta en primavera con flores e seres voadores, viaxa polo calor do verán, vístese de festa no outono e adormece baixo a neve do inverno.

E finalmente, deixámonos levar polo vento de Loo (Ponte en Pie), que move teas, obxectos e emocións, sorprendendo e envolvendo a quen o mira.

Catro mundos que se abren nunha viaxe de movemento, cor e son, e transforman o teatro nun espazo de encontro, sorpresa e descubrimento para bebés e acompañantes.

• Domingo, 22 de febreiro

Babili Glub 

• Domingo, 15 de marzo

Y las ideas vuelan

• Domingo, 12 de abril

 Pachamamá

• Domingo, 31 de maio

 Loo - Ponten Pie

VENDA DE BILLETES

• En liña: Ataquilla.com 
• Despacho da praza de Ourense (de luns a venres, horarios habituais)
• Despacho do Ágora: dende 1 hora antes do inicio da función, se quedan entradas dispoñibles.