Neste espectáculo, creamos unha sesión multidisciplinar na que, a través da palabra, da música en directo, do xogo e da complicidade das familias, levamos as crianzas a unha aprendizaxe do mundo animal, da lingua e dos sons.

É hora de deitarse na granxa. Xan revisa que todas as tarefas estean feitas: fixo os deberes, limpou os dentes, fixo pis, puxo o pixama... e marchou para a cama. Pero esqueceu algo moi importante: darlles a cea aos animais!!!

Ao día seguinte, o galo érguese cedo como cada día para espertar o sol, pero ten tanta fame que non pode cantar! E todo o mundo sabe que se o galo non canta, o sol non se levanta, e se o sol non se levanta, Xan nunca espertará e non lles dará de almorzar. Que desastre!

A actividade desenvolverase na aula 8 do Centro Ágora e haberá dous pases: 

• "Levántate, Xan!", de Caxoto, ás 17.00 h
• "Levántate, Xan!", de Caxoto, ás 18.30 h

Hai que se inscribir previamente no horario escollido en https://www.coruna.gal/lingua/gl/axenda/proximas-inscricions

Pídese puntualidade. 

Organiza Normalización Lingüística do Concello da Coruña dentro do programa Apego.