Maruxiña inspírase no conto clásico de Polgariña de Andersen, para relatar unha nova aventura. Un espectáculo en clave cómica, interdisciplinar, coa actriz Laura Sarasola e a música en directo da trompista Alma Sarasola, no que a protagonista investiga o mundo que a rodea, dende que nace nunha hortensia da maceta da señora Lola. Un día, Maruxiña descobre que hai un mundo moito máis grande, que hai amigos e non tan amigos... que lle gustaría voar... Pero o realmente importante é decidir libremente o que unha quere ser. 

A actividade desenvolverase no escenario do auditorio do Centro Ágora e haberá dous pases: 

• "Maruxiña", de Laura Sarasola, ás 17.00 h (auditorio)
• "Maruxiña", de Laura Sarasola, ás 18.30 h (auditorio)

Hai que se inscribir previamente no horario escollido en https://www.coruna.gal/lingua/gl/axenda/proximas-inscricions

Pídese puntualidade. Non se permitirá acceder ao auditorio unha vez que comece o espectáculo.

Organiza Normalización Lingüística do Concello da Coruña dentro do programa Apego.