O obxectivo é que nais, pais e outros familiares poidan aprender a practicar o aproveitamento do poder emocional das nanas e cantos de berce para arrolar os seus bebés e comezar a transmitirlles a lingua e a música.

O obradoiro componse de dúas sesións. A primeira será o martes 2 e a segunda, o martes 9 de maio.

Nas dúas sesións de que consta o obradoiro, as persoas participantes aprenderán a cantarlles aos seus bebés diversas nanas galegas, tanto de autoría como populares.

O obradoiro está impartido polo músico Xabier Díaz que, entre outros proxectos, publicou o exitoso disco Arrolos de salitre, un álbum que contén precisamente 11 cantos de berce en galego. Este disco foi editado xunto co músico Guillerme Fernández que tamén vai participar neste obradoiro.