Neste espectáculo de contacontos musical, baseado no libro Marta e a píntega da escritora Eli Ríos, a nena Marta coñece a píntega Oli e xuntas viaxan ao Mundo dos Contos e, grazas a unha morea de aventuras, transfórmano nun lugar mellor: máis diverso e máis xusto, onde as princesas dos contos poden ser felices ao crearen e visibilizaren as súas propias historias.

O público participará de maneira activa e creativa a través das cancións coa voz e a percusión de Jara Ortiz, nunha mestura de música e teatro co humor, a literatura e a muiñeira dende a perspectiva de xénero.

A actividade desenvolverase na aula 8 do Centro Ágora.

Pídese puntualidade. 

Organiza Normalización Lingüística do Concello da Coruña dentro do programa Apego.