Na Coruña témoslle Apego á lingua!!

Seguimos coas nosas actividades presenciais no Centro Ágora para familias con nenas e nenos!

Velaquí a programación para os meses de setembro, outubro e novembro de 2024:

• "Palabras", de Baobab Teatro (auditorio)  (1-3 anos) 

Martes 17 de setembro, dous pases: 17.00 e 18.30 h (45 min)

Inscrición: a partir do venres 13 de setembro, ás 10.00 h

Oralidade tradicional, teatro e música nun mesmo espectáculo. Xogos de repetición, contacontos, cancións e enredos.

• "Estrafalaria", de Xarope Tulú  (+3 anos) 

Martes 24 de setembro, dous pases: 17.00 e 18.30 h (50 min)

Inscrición: a partir do venres 20 de setembro, ás 10.00 h

Espectáculo de Atenea García que combina a narración oral coa manipulación de obxectos. Os personaxes que interveñen na historia caracterízanse pola súa peculiaridade e levan a diferenza como bandeira. 

• "Manual para deitarse", de Caxoto  (-3 anos) 

Martes 1 de outubro, dous pases: 17.00 e 18.30 h (35 min)

Inscrición: a partir do venres 27 de setembro, ás 10.00 h 

Poucas as veces as crianzas van para a cama de boa gana. Neste espectáculo poñémonos nos intres antes de deitarse cunha función de contos chea de aventuras, misterios sen resolver e visitas inesperadas.

• "Cacho animalada", de Vero Rilo e Luis Iglesias  (+3 anos) 

Martes 8 de outubro, dous pases: 17.00 e 18.30 h (50 min)

Inscrición: a partir do venres 4 de outubro, ás 10.00 h 

Narración oral e música en directo, porque é tempo de soltar as melenas e contar, cantar, bailar e correr coas feras que levamos dentro. Raposos, merlas, toupas, nenas, nenos... corredes con nós?

• "Concertiño para peques", de Félix Arias  (-3 anos) 

Martes 15 de outubro, dous pases: 17.00 e 18.30 h (60 min)

Inscrición: a partir do venres 11 de outubro, ás 10.00 h 

Félix Arias trae este concerto para a primeira infancia cheo de suaves melodías que axudarán a que as crianzas desenvolvan o sentido do ritmo e a memoria musical con cancións didácticas con moita narrativa e literatura.

• "Luppo", de Baobab Teatro (auditorio)  (4-6 anos) 

Martes 22 de outubro, dous pases: 17.30 e 18.30 h (50 min)

Inscrición: a partir do venres 18 de outubro, ás 10.00 h

Luppo é un home maior cunha rutina moi concreta. Todos os días escoita, no seu gramófono, a mesma ópera. Tulún, un neno que lle leva a compra a diario, comparte con el contos e historias da vida de Luppo. Mais un día Tulún atopará que Luppo non está na casa. Unha obra que fala do ciclo da vida e da relevancia das experiencias dos nosos maiores na infancia.

• "Nanocontos", de Raquel Queizás  (-3 anos) 

Martes 29 de outubro, dous pases: 17.00 e 18.30 h (50 min)

Inscrición: a partir do venres 25 de outubro, ás 10.00 h 

A contadora Raquel Queizás traballará a psicomotricidade e a percepción espacial dos bebés a través de pequenas historias que focalicen a súa atención na narración. Nano, unha simpática ra, será a protagonista destas pequenas grandes historias.

• "Contos debuxados, debuxos contados", de Caxoto (con Marc Taeger)  (+3 anos) 

Martes 5 de novembro, dous pases: 17.00 e 18.30 h (60 min)

Inscrición: a partir do venres 1 de novembro, ás 10.00 h 

Dun lado a picaresca, o trazo conciso e a fantasía visual de Marc e doutro lado a retranca, a voz firme e o maxín bulebule de Caxoto e engadindo a participación imprevisible do público para unha tarde de contadas.

• "Pelica de burra", de Vero Rilo e Luis Iglesias  (-3 anos) 

Martes 12 de novembro, dous pases: 17.00 e 18.30 h (30 min)

Inscrición: a partir do venres 8 de novembro, ás 10.00 h 

Despois dunha incrible viaxe no tempo, Pelica de Burra, a nosa protagonista, aterra nun futuro sen xogos, sen contos, sen música... nun futuro terrible. Ante isto, decide regresar ao pasado para atopar todo o que bota de menos no presente.

• "Maruxiña", de Laura Sarasola (auditorio)  (+3 anos) 

Martes 19 de novembro, dous pases: 17.30 e 18.30 h (45 min)

Inscrición: a partir do venres 15 de novembro, ás 10.00 h

Maruxiña bebe do conto de Andersen "Polgariña", mais baixo unha nova óptica máis cómica e musical. Maruxiña, despois de ver nacer unha hortensia dunha das xardineiras da señora Lola, descubrirá que existe un mundo máis grande ca o que coñece, o que a anima a investigar toda a súa contorna: a amizade, os soños e a decisión de que quere ser.  

• "Tinta do mar, pequena biografía de Luísa Villalta", de Polo correo do vento  (+3 anos) 

Martes 26 de novembro, dous pases: 17.30 e 18.30 h (50 min)

Inscrición: a partir do venres 22 de novembro, ás 10.00 h

Contacontos e ilustración sobre o libro que a compañía fixo arredor da escritora coruñesa celebrada este ano polo Día das Letras Galegas.