Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Cando:

26 de outubro de 2020

Concello e Subdelegación de Goberno crean unha mesa para avaliaren a ocupación de inmobles na cidade

Ambas as institucións analizarán nestas reunións as diferentes casuísticas na apropiación de vivendas

Esta tarde celebrouse unha sesión extraordinaria da Xunta Local de Seguridade, que presidiu a alcaldesa, Inés Rey, e na que participaron os concelleiros Juan Díaz Villoslada, Juan Ignacio Borrego, Yoya Neira e mais o xefe de Seguridade, Carlos García Touriñán, así como a subdelegada de Goberno, Pilar López-Rioboo; unha inspectora do Corpo Nacional de Policía e persoal da institución estatal na Coruña. Entre todas e todos os participantes acordaron crear unha mesa de traballo en que analizarán de forma periódica as casuísticas do fenómeno da ocupación de vivendas co fin de diferenciaren aquelas apropiacións de vivendas que se producen por unha emerxencia social das que responden a outros perfís. Deste modo, queren evitar situacións como a vivida nestas semanas no barrio da Falperra.

Desde a xunta destacouse que non se pode catalogar a ocupación do mesmo xeito e falaron da necesidade de darlle o tratamento axeitado a cada un dos fenómenos, aspectos que se tratarán na reunión da mesa de traballo que se celebrará a vindeira semana.

Durante o encontro, abordaron o desaloxo desta mañá das e dos trece okupas do edificio da rúa Doctor Fleming e o posterior tapiado do inmoble, un operativo protagonizado polas forzas e corpos de seguridade estatais que apoiou tamén o Concello da Coruña.

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión