É unha casa coruñesa de arquitectura típica, con galerías de madeira, e cuxa estrutura orixinal se mantén. Neste piso, o Concello da Coruña recreou unha vivenda do século XIX na que se poden ver reproducións da obra coruñesa de Picasso, así como un gravado orixinal do artista e o mellor cadro pintado nunca polo seu pai, un "Pombal" con nove aves. Conta a lenda que, como o seu pai estaba a perder vista, as patas das pombas executounas o neno.

Acceso:

• O acceso é gratuíto.
• Visitas guiadas coa previa solicitude no teléfono 010 ou 981 189 854 (museo)
• Grupos escolares con reserva previa

Fondos:

Na Casa Picasso reproducíronse 33 obras, das que 4 son do pai e as demais do mozo Picasso. Estas obras integráronse dentro da decoración da casa, nos diferentes cuartos de uso agás nos dormitorios.

Hai óleos sobre lenzo, óleos sobre madeira, debuxos a lapis e a pluma, tintas, carbóns e acuarelas.

Exposición permanente: Soño e mentiras de Franco.

Datos de interese:

• Data de inauguración: 18 de decembro de 2002
• Picasso viviu no segundo andar desta casa entre os anos 1891 e 1895.