Lorca estaba a traballar en Comedia sen título cando foi asasinado. Da súa fascinante e revolucionaria peza só se conserva o primeiro acto, pero xa revela unha crítica social do poder e unha ollada intensa sobre a sociedade: a falta de sensibilidade, a cegueira cara ás demais persoas, a hipocrisía da caridade, o uso da relixión como xustificación de todo... Ao mesmo tempo, cuestiona o teatro tradicional e decadente e propón un cambio radical: achegar a realidade, derrubar as barreiras do falso e tocar o que latexa dentro de cada espectador/a. "Por que imos ao teatro para ver o que pasa e non para ver o que nos pasa?" Todo acontece no teatro, durante un ensaio do Soño dunha noite de verán e, de súpeto, nas rúas explota unha revolución: necesaria, inevitable... e capaz de remover todo por dentro.

Público: a partir de 13 anos

Duración: 50 min

Elenco: Sandra González, Ángela Comesaña, Sonia Orge, Carme Rigau, Maricarmen Novelle, Mucha Pereira, Aless Comesaña, Julián Vega, Inma Almeida, Rogelio Estévez, Vanessa Glemsel e Puri Combarros

VENDA DE LOCALIDADES

• Venda en liña: Ataquilla.com
• Venda no despacho de billetes do Fórum: unicamente os días da función dende 1 hora antes (sempre que queden localidades dispoñibles)
• Venda no despacho de billetes da praza de Ourense: de luns a venres das 11.00 ás 15.00 h e das 16.30 ás 19.30 h (excepto festivos)