Cando:

14 de maio de 2026

O programa Cinema na Escola entra na súa recta final, que culminará coa celebración das galas de entrega de premios os días 19 e 20 de maio

Cinema na Escola 2025-26

Como en edicións anteriores, o público poderá votar a que considera a mellor curtametraxe de cada unha das categorías. Para iso, xa se poden visualizar as 18 curtas presentadas nesta edición na canle de YouTube de Educación do Concello da Coruña.

A cuarta edición do programa municipal Cinema na Escola entra na súa recta final. Co peche do prazo para a presentación de curtos, o pasado 30 de abril, ábrese a fase de deliberación do xurado e de votación popular, que finalizará coa celebración das galas finais de entrega de premios, os días 19 e 20 de maio.

Unha vez entregados todas as curtametraxes, o xurado procederá á súa valoración, outorgará un 1º e 2º premios en cada unha das modalidades propostas: mellor curtametraxe, interpretación, guion, fotografía, efectos visuais, edición e montaxe, e edición de audio; nas 2 categorías.

Ademais, como en edicións anteriores, o público poderá votar ao que considera a mellor curtametraxe de cada unha das categorías (Primaria e ESO). Para iso, xa se poden visualizar os 18 curtos presentados nesta edición (9 de Educación primaria e 9 de ESO) na canle de YouTube de Educación do Concello da Coruña.

Para determinar os curtos gañadores do premio do público teranse en conta as estatísticas de reproducións, likes e retencións entre:

o xoves 14 de maio ás 12:00 horas e o luns 18 de maio ás 12:00 horas, para a categoría de Educación primaria.
o xoves 14 de maio ás 12:00 horas e o martes 19 de maio ás 12:00 horas, para a categoría de ESO.

Gala de entrega de premios

Os premios serán entregados en dúas galas finais (unha por cada categoría), que se celebrarán no Centro Sociocultural Ágora os días 19 (E. Primaria) e 20 de maio (ESO), ás 17:00 horas.

As galas contarán coa presenza do Concelleiro de Educación, Formación e Innovación Tecnolóxica, Juan Ignacio Borrego, que entregará algúns dos premios.

Achegando ao alumnado coruñés ao mundo da sétima arte

O programa municipal Cinema na Escola pecha esta cuarta edición coa participación de 800 estudantes e 22 profesores de 17 centros educativos, poñendo unha vez máis de relevo o talento, a creatividade e a capacidade de traballo en equipo dos alumnos e alumnas dos centros educativos da cidade.

Grupos participantes na categoría de Educación Primaria