"Entrecontos" é un encontro de teatro entre os grupos de educación primaria que participan nas actividades "En escena" e "Comediante" do programa de lecer do Servizo Municipal de Educación e a Federación Provincial de ANPAS de centros públicos.

O obxectivo é que os pequenos actores e actrices saian da súa zona de confort para representar a súa obra, ao mesmo tempo que coñecen e comparten a experiencia con outros escolares doutros centros.

O encontro celebrarase o martes 12 de maio de 2026, a partir das 16:30 horas, no auditorio do Fórum Metropolitano.

Participarán grupos dos centros CEIP San Francisco Javier, CEIP Sal Lence, CEIP Rosalía de Castro e CEIP Víctor López Seoane.

Información a ter en conta

• Para participar é obrigatorio cubrir a ligazón do formulario de autorización enviado por correo ás familias.
• Os escolares que non participen no encontro non poderán quedar no centro ese día, pois o persoal educador responsable será o acompañante nesta saída.
• O desprazamento será en bus desde o propio centro. O horario de regreso (17:45-18:00 horas) será aproximado en función do tráfico e as paradas intermedias.
• Estas representacións serán exclusivamente para o alumnado participante, polo que as familias non poderán asistir.