O día 16 de decembro, 58 escolares de 4º, 5º e 6º de Educación Primaria de diferentes CEIP do concello da Coruña asistirán ao Fórum Metropolitano para gozar do espectáculo "FMC (Funny Music Contest)".

A actividade está organizada polo Proxecto Bululú, composto por un grupo de profesionais con máis de dez anos de experiencia laboral como xestores, técnicos e dinamizadores de proxectos e actividades socioculturais e educativas.

Este espectáculo forma parte do programa educativo do Concello da Coruña "Idiomas no centro", que busca fomentar o coñecemento dun idioma estranxeiro (inglés ou francés) nun contexto lúdico que reporte unha experiencia positiva durante o proceso de aprendizaxe.