Se algunha vez quixeches escribir pero o papel en branco te impón, este é o teu momento. A escritora galega María Canosa Blanco acompañarate nun obradoiro onde a teoría e a práctica camiñarán da man para espertar a túa creatividade.

Durante nove sesións, aprenderás estratexias para iniciar un texto, crear personaxes memorables e xogar cos estilos literarios. Traballaremos sobre todo a narrativa, pero tamén haberá unha pequena incursión na poesía. Ao final, cada participante terá escrito un ou varios textos breves como proxecto final.

Obxectivos do obradoiro:

• Vivir a experiencia única da creación literaria

• Estimular a imaxinación e a expresión creativa

• Descubrir a escrita como ferramenta de comunicación

• Elaborar textos propios como resultado final do curso

Contidos principais:

• Estratexias para iniciar un texto (teoría e práctica)

• Tipos de personaxes e como construílos

• Creación de textos iniciáticos

• Un mesmo contido, distintos estilos literarios