Trátase dunha proposta interxeracional dirixida tanto ao público adulto como ao infantil. A actividade toma como punto de partida a relación artística e vital entre Françoise Gilot e Pablo Picasso, explorando as influencias, afinidades e procesos creativos que marcaron a traxectoria de ambos os artistas.

A través de diversas actividades plásticas, as persoas participantes poderán achegarse á obra e ao universo creativo destas dúas figuras clave da arte do século XX desde unha perspectiva participativa e contemporánea.